Anulohen dhjetëra fluturime si pasojë e stuhisë në Frankfurt

12:14 | 17 Gusht 2023
E.G

Dhjetëra fluturime janë anuluar në Aeroportin e Frankfurtit në Gjermani, si pasojë e shiut të madh që i ka vërshuar të mërkurën disa pjesë të pistës.

Një zëdhënës i aeroportit ka thënë të enjten për agjencinë e lajmeve dpa se, akumulimi i madh i ujit në disa pjesë të aeroportit, në pistë, në zonën ku parkohen aeroplanët, dhe ku bëhen gati për fluturime, i ka detyruar autoritetet që shumë fluturime t’i anulojnë, apo t’ua ndërrojnë orarin.

Shërbimet tokësore në aeroportin më të madh të Gjermanisë janë pezulluar për më shumë se dy orë, çka nënkupton që më shumë se 34 aeroplanë nuk kanë mundur të nisen me kohë në destinacionet e tyre.

Shumë fluturime janë anuluar edhe prej vetë kompanive ajrore.

Shërbimi Gjerman për Motin, e ka lëshuar të mërkurën një paralajmërim për stuhi për gjithë landin Hesen, ku gjendet Frankfurti.

Ka pasur raporime për vërshime të izoluara në shumë bodrume të banesave të atij landi./rel

Shpërndaje në rrjete sociale

Lajmet më të lexuara

Të ngjashme

Foto lajm